الأربعاء، 20 أبريل 2016

يعني إيه بنطة راوتر ؟

النهاردة هنتكلم معاكم عن البنط إيه بقي تعريف البنطة ؟ عدة تستطيع القطع في جميع الاتجاهات وليها مقاسات متعددة ولها أشكال مختلفة حسب الشكل المراد حفرة أو تقطيعه والبنطة بتصنع من خامات مختلفة والطبيعي ان درجة صلادة البنطة ( درجة المقاومة ) تكون أعلي من من الخامة المطلوب تشغيلها . البنطة أو ( الريشة زي ما اهلنا في الخليج بيسموها ) تعتبر من أهم الحاجات ال بتأثر علي جودة الشغلة في ماكينة الراوتر وكمان لها دور كبير في إن الماكينة تكون سريعة أو بطيئة . إزاي بقي الكلام ده ؟

تخيل معايا دلوقتي لو انت بتقطع حاجة مثلا بسكينة والسكينة دي مش حادة هل انت هتبذل مجهود عالي ولا مجهود بسيط ؟ الاجابة هبذل مجهود عالي وكمان الحاجة ال بتقطعها مش هتكون مظبوطة . نفس الموضوع ينطبق علي البنطة لو انت استخدمت بنطة مش حادة ومش قوية ده هيزود جهد الماكينة علشان يتغلب علي مقاومة البنطة وبالتالي ده هيزود من درجة حرارة المحركات الخطوية ال هي ستيبر موتور stepper moto وكمان الدرايفرات الخاص بيها ، وده طبعا هيخلي في بطئ في تنفيذ الأوامر ال جاي له من البرنامج لكن البرنامج هيكون شغال بسرعة ثابته وهنا هتظهر مشكلة فقد الأسطر أو loss step وبالتالي هيخلي الشغلة مشهوه ومش دقيقة . استنونا المرة الجاية هنتكلم عن ازاي تختار البنطة وأنواعها ؟ مع #كام_تك خليك في المضمون

ليست هناك تعليقات:

إرسال تعليق